Африка мамлакатларида қурғоқчилик туфайли юқумли касалликлар кўпайган

NUR-SULTAN. Кazinform – Эфиопия, Кения ва Сомалида қурғоқчиликдан жабр кўрган ва тоза сувдан фойдалана олмайдиганлар сони беш ой ичида 9,5 миллиондан 16,2 миллионга кўпайди, дея хабар беради Kazinform БМТ ахборот сайтига таяниб.

Африканинг Сахель минтақасидаги болалар ҳам сув танқислигига дуч келишмоқда. Бу ҳақда ЮНИCЕФ Жаҳон сув ҳафталигида маълум қилди.

«Тарих шуни кўрсатадики, сувнинг камайиши вабо ёки дизентерия каби ҳалокатли болалар касалликларининг авж олиши билан бирга бўлса, бу вазиятнинг оқибатлари болалар ўлими ёки фожиаларнинг кескин ўсишига олиб келиши мумкин. Сув йўқ бўлганда ёки у ифлосланган бўлса, болалар учун хавф бир неча баробар ортади», деди ЮНИCЕФ ижрочи директори Кэтрин Рассел.

Унинг сўзларига кўра, Африка ва Сахель бўйи мамлакатларидаги миллионлаб ёшлар «фалокатга бир қадам яқинроқ».

Қурғоқчилик ва можаролар Буркина-Фасо, Чад, Мали ва Нигерияда сув муаммоларини янада кучайтирмоқда. У ерда 40 миллионга яқин бола сув танқислиги шароитида яшайди. Жаҳон соғлиқни сақлаш ташкилоти маълумотларига кўра, Сахель ифлосланган сув ва гигиена воситаларининг етишмаслигидан вафот этган вояга етмаганлар сони бўйича дунёда биринчи ўринда туради.

Сомалининг қурғоқчиликдан азият чекаётган ҳудудларида диарея ва вабо кенг тарқалган. Йилнинг олти ойида ушбу касалликларнинг 8200 та ҳолати қайд этилган.

Фото: news.un.оrg