Абилмансур Батирғали МДҲ ўйинларининг кумуш медали соҳибига айланди

ASTANA. Kazinform – Қозоғистонлик каратэчи МДҲ ўйинларининг кумуш медали соҳиби бўлди, деб хабар беради Kazinform мухбири.

Атирау вилояти жисмоний тарбия, спорт ва туризм бошқармаси матбуот хизмати хабарига кўра, Қозоғистон каратэчилари муваффақиятли чиқишди.

«Атираулик каратэчи Абилмансур Батирғали Беларусь Республикасининг Могилев шаҳрида МДҲ давлатларининг II ўйинларида иштирок этди. У 75 кг вазн тоифасида мамлакат шарафини ҳимоя қилиб, кумуш медални қўлга киритди», – дейилади бошқарув матбуот хизмати хабарида.

Абилмансур Батирғали эндигина танила бошлаган ёш спортчи. У дунёнинг бир қанча давлатларида ўтказилган халқаро мусобақаларда ғолиб бўлган.

Масалан, ёшлар ўртасида жаҳон чемпиони бўлди.

Кейинчалик катталар ўртасидаги Осиё чемпионатининг кумуш совринини қўлга киритди. Ушбу муваффақияти учун каратэ-до халқаро тоифадаги спорт устаси сифатида эътироф этилди.

Муаллиф: Бек Мустафа