Абдуқодир Ҳусановнинг трансфер нархи ошди
TASHKENT. Kazinform - “Тransfermarkt” портали АПЛ футболчиларининг трансфер нархини янгилади. Унга кўра, ўзбекистонлик легионер Абдуқодир Ҳусанов 35 миллион еврога баҳоланди. Ҳимоячининг нархи бирданига сезиларли даражада — 23 миллион еврога юқорилади, деб хабар береди Kazinform агентлиги UzAга таяниб.
Натижада ўзбекистонлик футболчи Англия Премьер-лигасининг энг кўп нархи ошган футболчилар рўйхатида тўртинчи ўрин бўлди. Ушбу жадвалда нархи 100 миллион евро бўлган Александер Исак пешқадамлик қилмоқда. Унинг ортидан эса Итан Нванери (Арсенал) 55 миллион евро билан бормоқда.
Исак ва Нванерининг янгиланган нархи эскисидан кўра 25 миллион еврога кўтарилганини таъкидлаб ўтиш лозим. Шунингдек, АПЛда нархи қимматлашган футболчилар орасида учинчи ўрин Дин Хёйсен (Борнмут) бормоқда. Унинг “Тransfermarkt” порталидаги нархи 42 миллион еврони ташкил этмоқда.
Абдуқодир Ҳусановнинг янгиланган траснфер нархига оид яна бир ажойиб статистикани эътиборингизга ҳавола қилмоқчимиз. Аниқроқ айтадиган бўлсак, футболчининг нархи қимматлашгандан сўнг, Осиёнинг бир нечта етакчи терма жамоалари — Қатар (23.13 млн евро), Австралия (23.75 млн), БАА (30.65 млн) ва Саудия Арабистони (30.65 млн) каби яна 9 мамлакат терма жамоаларини ортда қолдирди.
Абдуқодир Ҳусанов ҳозирда Осиёнинг иккинчи энг қиммат марказий ҳимоячисига айланди. У фақатгина “Бавария“ жамоасининг кореялик футболчиси Ким Мин Жаедан (45 миллион евро) ортда қолмоқда. Бундан ташқари, А.Ҳусанов қитъамизнинг барча энг қиммат футболчилари орасида тўртинчи ўринга чиқиб олди.
Шунингдек, А.Ҳусановнинг янгиланган трансфер нархидан сўнг Ўзбекистон миллий терма жамоасининг умумий қиймати 70 миллион еврога етди. Натижада терма жамоа қитъадаги энг қиммат учинчи терма жамоага айланди.
Абдуқодир Ҳусановнинг “Тransfermarkt” порталидаги эски нархи 12 миллион евро эди. Дарвоқе, футболчи айни кунларда Ўзбекистон миллий терма жамоаси билан Қирғиз Республикаси (20 март) ва Эронга (25 март) қарши учрашувлар учун тайёргарлик кўрмоқда.
Эслатиб ўтамиз, аввалроқ ўзбекистонлик футболчи Ҳусановнинг Англиядаги маоши маълум бўлганлиги ҳақида хабар берган эдик.
