73 ёшли сайёҳатчини Россиядаги ватандошлари кутиб олди
Улитау вилоятида яшовчи Сарсенбай Қотирашов дунё бўйлаб пиёда саёҳат қилиш учун Атираудан йўлга чиққан.
Кекса саёҳатчи дастлаб Россия Федерациясига йўл олди. Уни Астрахан вилоятидаги ватандошлари кутиб олган.
«Салом, азиз дўстлар! Россияда бўлганимга 4 кун бўлди. Чегарани биринчи марта кесиб ўтаётганим учун ўша куни жуда хавотирда эдим. Кейин Астрахан вилояти қозоқлари мени Россия ҳудудида кутишаётганига ҳайрон бўлдим. Дўмбра садоси остида мени илиқ кутиб олди», – деб ёзди саёҳатчи ижтимоий тармоқдаги саҳифасида.
Эслатиб ўтамиз, аввалроқ 73 ёшли қозоғистонлик оқсоқол дунё бўйлаб пиёда саёҳат қилиш учун Атираудан йўлга чиққани ҳақида ёзган эдик.
«Менинг позициям шуки, саёҳат қилиш ҳеч қачон кеч эмас. Дунё бўйлаб пиёда саёҳат қилган қозоқ номини Гиннеснинг рекордлар китобига ёзиб, жаҳон рекордини ўрнатмоқчиман. Асосийси, мен тинчликни тарғиб қилмоқчиман, дунё давлатларини ҳамжиҳатликка чақирмоқчиман», – дейди у.
Улитаулик оқсоқол 8 август куни Россия чегарасига етиб борди.
Муаллиф: Бек Мустафа
