7 ойда Қозоғистоннинг ХХР билан товар айланмаси 13,5 миллиард АҚШ долларини ташкил этди

NUR-SULTAN. Kazinform – ҚР Давлат даромадлари қўмитаси 2022 йилнинг 7 ойидаги Қозоғистон ва Хитой Халқ Республикаси ўртасидаги ўзаро савдога оид маълумотларни тақдим этди, дея хабар бермоқда Kazinform.

2022 йилнинг 7 ойида Хитой Қозоғистон Республикаси билан савдо айланмасида 1-ўринни эгаллади (ЕОИИга аъзо давлатлар бундан мустасно). Қозоғистон ташқи савдосидаги Хитойнинг улуши 22,6 фоизни ташкил этади.

Товар айланмаси ҳажми 13,5 миллиард АҚШ долларини ташкил этиб, 2021 йилнинг мос даврига нисбатан 38,3 фоизга ошди. Ўтган йили 9,7 миллиард долларни ташкил этганди.

Товар айирбошлаш ҳажми товар экспортининг 52 фоизга ошиши ҳисобига ошди.

Қозоғистоннинг Хитойга экспорти жорий йилнинг 7 ойида 8 млрд АҚШ долларини ташкил этиб, 2021 йилнинг мос даврига нисбатан 52 фоизга ошди.

Экспортнинг асосий ўсиши минерал маҳсулотларнинг 84,2 фоизга ошиши ҳисобига таъминланди.

Қозоғистоннинг Хитойдан импорти 5,5 млрд АҚШ долларини ташкил этиб, ўсиш 2021 йилнинг мос даврига нисбатан 22,6 фоизни ташкил қилди. Ўтган йилнинг 7 ойида импорт 4,5 млрд АҚШ долларини ташкил қилганди.