6 та халқаро компаниянинг АЭС қуриш бўйича таклифларини ўрганяпмиз – ҚР Энергетика вазирлиги

NUR-SULTAN. Kazinform – ҚР Энергетика вазирлигининг Атом энергетикаси ва саноат департаменти директори Жаслан Қасенов АЭС қуриш бўйича қайси компанияларнинг таклифлари ўрганилаётганини маълум қилди, деб хабар беради Kazinform мухбири.
None
None

«Ҳозирда Қозоғистоннинг табиий-иқлим омиллари ва АЭСларнинг атроф-муҳитга эҳтимолий таъсиридан келиб чиқиб, атом энергетикасини ривожлантириш бўйича тадқиқотлар олиб борилмоқда. 6 та компаниянинг лойиҳаларини ўрганяпмиз.

Булар Америка (NuScale), Америка-Япония (GE-Hitachi), Корея (KHNP), Хитой (CNNC), Россия (Росатом) ва Франция (EDF) технологиялари», — деди Жаслан Қасенов.

Унинг сўзларига кўра, бу борадаги тадқиқотлар реакторлар хавфсизлигини ўз ичига олади. Бундан ташқари, станциянинг жойлашуви, реакторнинг қуввати ва нархи бўйича тадқиқотлар олиб борилмоқда.

«Мамлакатимизда атом энергетикасини ривожлантириш учун барча имкониятлар мавжуд. Биз дунёдаги энг йирик табиий уран ишлаб чиқарувчимиз. Бизда ядровий ёқилғи компонентларини ишлаб чиқариш мавжуд. Шунингдек, мамлакатимизда уран изотопини бойитиш технологияси мавжуд, дейиш мумкин. Ўтган йили Улби металлургия заводи негизида Хитойнинг атом электр станциялари учун ядро ёқилғиси ишлаб чиқарувчи завод очилди. Айни пайтда у фаол ядро ёқилғисини ишлаб чиқармоқда», — деди вазирлик вакили.

Муаллиф: Есимжан Нақтибай

Сўнгги хабарлар