2024 йилги Астана халқаро форумида Венгрия Президенти Каталин Новак иштирок этади

ASTANA. Kazinform - Қозоғистон Республикасининг Венгриядаги элчиси Жанибек Абдрашов Венгрия Президентининг Ташқи сиёсат бўйича маслаҳатчиси Криштоф Алтус билан учрашиб, Қозоғистон-Венгрия стратегик шериклиги доирасидаги икки томонлама муносабатларнинг долзарб масалаларини муҳокама қилди.

Бу ҳақда Kazinform ҚР Ташқи ишлар вазирлиги матбуот хизматига таяниб хабар беради.

Элчи Жанибек Абдрашов венгриялик дипломатга Қозоғистондаги сиёсий ва ижтимоий-иқтисодий ислоҳотларнинг бориши, ички ва ташқи сиёсий вазият, сармоявий сиёсат, шунингдек, Давлат раҳбарининг ташқи сиёсий саҳнадаги фаолияти ҳақида маълумот берди.

Учрашувда 2023 йилда икки давлат ўртасида бўлиб ўтган расмий ташрифлар якуни бўйича якдил фикрда эканлиги, ҳозирда Қозоғистон Президентининг Қасим-Жомарт Тоқаев ва Венгрия Бош вазири Виктор Орбан ўтган йили, Астанада бўлиб ўтган музокараларидан сўнг берилган вазифалар ижроси юзасидан аниқ чора-тадбирлар кўрилаётгани таъкидланди.

Криштоф Алтус, ўз навбатида, Венгрия Президенти Каталин Новак Давлат раҳбарининг 2024 йилги Астана халқаро форумига таклифини қабул қилгани ва расмий ташриф билан Қозоғистонга келишини тасдиқлади.

Музокаралар якунлари бўйича дипломатлар икки давлат ўртасидаги стратегик шерикликни янада мустаҳкамлашга қатъиятли эканликларини тасдиқладилар ва Қозоғистон-Венгрия муносабатлари барча соҳаларда жадал ривожланиб боришига ишонч билдирдилар.