106 ёшли кекса аёл узоқ умр кўришининг сабабини айтди
ASTANA. Kazinform - Британиялик бир асрлик аёл ўзининг узоқ умр кўришини ёлғизлик ва ҳазил билан боғлайди.
Мэри Спирс ўзининг навбатдаги туғилган кунини қариялар уйида нишонлади. Бу ҳақда Daily Record нашри ёзди.
У 1918 йил августда Манчестерда туғилган. Иккинчи жаҳон уруши пайтида ҳарбий авиацияда хизмат қилган бир одамни севиб қолди. Тез орада севгилиси оламдан ўтади. Мэри ўзига абадий унга содиқ қолишга ваъда берди ва ҳеч қачон турмушга чиқмади.
Мэри икки синглиси билан бирга ҳаётнинг қувонч ва қийинчиликларини бошдан кечирди. Қизиғи шундаки, улар ҳам уруш пайтида ўз севганларини йўқотиб қўйган ва шундан бери йигитлардан қочишади.
Мэри Спирс узоқ умр кўришининг сабаблари сифатида ёлғизлик, ҳушёрлик ва ҳазил туйғусини келтирди.
Эслатиб ўтамиз, аввалроқ Астанада 100 ёшдан ошган 21 нафар кексалар истиқомат қилаётгани ҳақида ёзган эдик.
