1 август куни «Сиан-Алмати» дўстлик велопойгаси бошланади

PEKIN. Kazinform – «Сиан-Алмати» дўстлик велопойгаси 1 августда Сиан шаҳрида бошланади. Бу шаҳар қадимда Чанъань деб аталган ва Буюк Ипак йўлининг бошланғич нуқтаси бўлган, деб хабар беради Kazinform мухбири.

ХХР ҳудуди бўйлаб қадимий Ипак йўли йўналиши бўйича ўтказиладиган велопойгада Хитойдан 30 нафар велоспортчи иштирок этади. Қозоғистон ҳудудида эса уларга маҳаллий спортчилар қўшилади.

«Сиан-Алмати» дўстлик велопойгаси иштирокчилари 4 минг километр масофани босиб ўтади. Велосаёҳат Алмати шаҳрида 2023 йил 7 сентябрда якунланади.

Тадбир Қозоғистон ва Хитой халқлари ўртасидаги дўстликни мустаҳкамлаш, Қозоғистон Республикаси ва Хитой Халқ Республикаси ўртасида дипломатик муносабатлар ўрнатилганининг 30 йиллигига ҳамда икки томонлама ҳамкорлик тарихида сифат жиҳатидан янги босқичга ўтишга, шунингдек, соғлом турмуш тарзи ва велоспортни тарғиб этишга бағишланган.

Муаллиф: Руслан Сулейменов