ЖССТ экспертининг таъкидлашича, ушбу касаллик, жумладан, унинг қандай тарқалиши ҳақида ҳали ҳам номаълум нарсалар кўп. Маълумки, маймун чечаги касал одамдан унинг кийими ёки чойшаблари, жисмоний яқинлик шароитида юқади.
Бугунги кунга қадар ЖССТ маълумотларига кўра, илгари маймун чечаги касаллиги бўлмаган 23 мамлакатда 250 дан ортиқ касаллик ҳолати қайд этилган.
Кўпгина беморлар фақат иситма, тана оғриғи, титроқ ва чарчоқни бошдан кечиришади. Касалликнинг мураккаб шакли билан юз ва қўлларда тошма ва яралар пайдо бўлиши мумкин, кейинчалик улар тананинг бошқа қисмларига тарқалади. Африкадан ташқарида кузатилган касалланиш ҳолатларида ўлим қайд этилмаган.