Жибек Қуламбаева Таиланддаги мусобақанинг чорак финалига чиқди

Қозоғистонлик теннисчи Жибек Қуламбаева Нонтҳабури (Таиланд) ITF W50 турнирининг жуфтлик баҳсларида чорак финалга чиқди, деб хабар беради Каzinform.

Мусобақанинг 2-ракеткаси сифатида қайд этилган Ж.Қуламбаева грециялик Сапфо Сакеллариди билан биргаликда илк учрашувини япониялик спортчилар Аои Ито – Эрика Сема билан ўтказди.

Дастлабки ўйинда қозоқ-грек жуфтлиги тай-брейкда маҳорат кўрсатди – 7:6 (7:2).

Иккинчи сет осонроқ кечди - 6:2.

Учрашув 1 соат 22 дақиқа давом этди.

Жибек Қуламбаева ва Сапфо Сакелларидининг чорак финалдаги рақиблари кейинроқ аниқланади.

Ўтган ҳафтада Нонтҳабурида бўлиб ўтган ҳудди шундай мусобақада Ж.Қуламбаева ва С.Сакеллариди ғолибликни қўлга киритган эди.

Қозоғистонлик теннисчи яккалик баҳсларида ҳам иштирок этмоқда. Жибек биринчи даврада яна бир япониялик Нахо Сатони енгиб ўтишга ҳаракат қилади.

Эслатиб ўтамиз, аввалроқ Юлия Путинцева Хобарт турнири биринчи босқичида ғалаба қозонгани ҳақида ёзган эдик.