Жибек Қуламбаева Сербиядаги турнирнинг чорак финалига йўл олди

ASTANA. Кazinform – Қозоғистонлик теннисчи, дунёнинг 337-ракеткаси Жибек Қуламбаева Сербияда бўлиб ўтаётган ITF W75 турнирининг чорак финалига чиқди.

Турнирда 7-ракеткаси сифатида қайд этилган Қуламбаева дастлаб рейтингда 480-ўринни эгаллаб турган Аня Станковични 6:3, 6:2 ҳисобида мағлубиятга учратди.

Қозоғистонлик теннисчи 1/8 финалда рейтингда уч поғона юқорироқда жойлашган туркиялик Айла Аксуга қарши мураккаб баҳс ўтказди. Биринчи сетда Жибек рақибига имконият қолдирмади - 6:2. Иккинчи сетда у дарҳол брейк қилди ва олдинга чиқди, аммо устунликни ушлаб тура олмади - 3:6. Бироқ ҳал қилувчи учинчи сетда Қуламбаева ўйинни ўз назоратига олди - 6:2.Мусобақа икки соатга яқин давом этди.

Жибек Қуламбаева ярим финалга чиқиш учун 369-ўринни эгаллаб турган Мальта вакили Франческа Курми билан беллашади. Қозоғистонлик теннисчи айни дамда WТА Livе рейтингида 329-ўринни эгаллаб турибди.

Эслатиб ўтамиз, аввалроқ Елена Рибакина Страсбург мусобақасида ярим финалга чиққани ҳақида хабар берган эдик.