Жибек Қуламбаева Ҳиндистондаги мусобақада муваффақиятли иштирок этмоқда

ASTANA. Kazinform – Қозоғистонлик теннисчи, жаҳоннинг 493-ракеткаси Жибек Қуламбаева Гургаон (Ҳиндистон) шаҳрида ITF турнирининг яккалик ва жуфтлик баҳсларида муваффақиятли иштирок этмоқда.

Қозоғистонлик теннисчи яккалик баҳсларининг иккинчи даврасида жаҳон рейтингида 1001-ўринни эгаллаб турган япониялик Ринон Окувакини 6:4, 6:3 ҳисобида мағлуб этди.

Ж.Қуламбаева ярим финалга чиқиш учун дунёнинг 527-ракеткаси жанубий кореялик Ён Ву Ку билан куч синашади.

Жуфтлик баҳсларда Ҳиндистонлик Анкита Раина билан бирга мусобақанинг 1-ракеткаси сифатида қайд этилган Ж.Қуламбаева чорак финалда японияликлар – Акико Омаэ ва Икуми Ямадзаки билан куч синашди.

Қизиқарли кечган баҳс 7:5, 7:6 (11:9) ҳисобида қозоқ-ҳинд жуфтлиги фойдасига ҳал бўлди.

Жибек Қуламбаева ва Анкита Раина навбатдаги учрашувида ҳиндистонлик Рия Бҳатия ва япониялик Митика Озекини мағлуб этишса, финал босқичига йўлланма олади.