Жетису вилоятида саккизта янги сув омбори қурилади

TALDYQORǴAN. Kazinform - Жетису вилоятида сувни тежовчи технологиялардан фаол фойдаланиляпти. Бу ҳақда Ҳукумат матбуот хизмати хабар берди.

Жетису вилоятида вегетация даври барқарор давом этяпти. Вилоят ҳокими Бейбут Исабаевнинг маълум қилишича, сув ҳавзаларининг ўртача даражаси 70 фоизни ташкил этади, барча экин майдонлари экинлар учун сув билан таъминланган. Жорий йилда режалаштирилган 1 миллиард м3 сувнинг 250 миллион м3и фермерларга берилди. Қолган ҳажмни мавсум охиригача етказиб бериш режалаштирилган.

“Вилоятда сувни тежовчи технология ва усуллардан фаол фойдаланиляпти. Саккизта янги сув омбори қуриш режалаштирилган. Битта тўғон қуриш лойиҳаси тайёрланди. Ислом тараққиёт банки орқали иккита лойиҳа амалга ошириляпти. Бундан ташқари, иккита лойиҳа республика бюджети ва яна иккитаси маҳаллий бюджет ҳисобидан молиялаштириляпти”, — деди Бейбут Исабаев. 

Эслатиб ўтамиз, аввалроқ, Сув ресурслари ва ирригация вазирлиги Қозоғистонда тахминан 85 минг гектар ер сувни тежайдиган технологиялар ёрдамида суғорилишини маълум қилганди.