ASTANA/ Kazinform - Тиббиёт олий ўқув юртларига қабул квоталарини ошириш режаларига қарши норозилик сифатида 10 000 дан ортиқ стажёр шифокорлар ишдан бўшаш учун ариза ёзди ва 9 000 дан ортиғи ўз ишларини тарк этди. Жанубий Корея ҳукумати стажёр шифокорлар иш жойига қайтмаса, келгуси ой бошидан уларнинг лицензиялари тўхтатилиши мумкинлиги ҳақида огоҳлантирди, дея хабар беради Kazinform агентлиги Yonhapга таяниб.
Соғлиқни сақлаш вазирлиги душанба куни стажёр шифокорлар тез орада ишга қайтмаса, уларнинг лицензияларини кейинги ойдан тўхтатиб қўйишни бошлаши мумкинлиги ҳақида огоҳлантирди.
Ҳукумат, шунингдек, жамоавий ҳаракат етакчилари ҳибсга олиниши мумкинлигидан огоҳлантирмоқда.
- Март ойидан бошлаб шифокорлар лицензияларининг камида уч ойга тўхтатилиши муқаррар бўлади, - деди Соғлиқни сақлаш вазирининг иккинчи ўринбосари Пак Мин Су. - Шуни таъкидлаш керакки, лицензиянинг вақтинча тўхтатилиши белгиланган ва келажакдаги мартаба йўлига, жумладан, чет элда ишлаш имкониятига таъсир қилиши мумкин.
Пак ҳукумат тиббий ҳамжамият билан мулоқотни давом эттириш учун барча саъй-ҳаракатларини амалга оширишини айтди.
Ҳозиргача 9006 нафар стажёр шифокорлар ўз ишидан кетган, 10034 нафари эса ишдан бўшатиш тўғрисида ариза берган. Ўтган ҳафтада иш жойини тарк этган стажёр шифокорлар сони 8024 нафарни ташкил этган бўлса, 9275 нафари ишдан бўшатиш тўғрисида ариза берган.
Ҳукумат, агар стажёр шифокорлар пайшанба кунига қадар ишга қайтса, уларни жиноий жавобгарликка тортмаслигини маълум қилди.
Бекабат Узаков
Бекабат Узаков(Бегабат Ұзақов) Қазақстан Жазушылар одағының мүшесі, Ғ. Мүсірепов атындағы сыйлықтың лауреаты. Шығармалары 1987 жылдан бастап баспасөзде жарияланады. Бірнеше прозалық кітаптардың авторы. Ташкент мемлекеттік университетінің журналистика факультетін бітірген. Туындылары мен өмірбаяны Қазақстанда қазақ тілінен басқа тілдерде оқытатын мектептердің 7-сыныбына арналған “Қазақ тілі және әдебиетінде”, Өзбекстанда ЖОО-ларға арналған оқулықта оқытылуда. 2023 жылы жазушының 50 жасқа толуына орай “Биікке беттеген Бегабат” атты кітап жарық көрді. Қарақалпақстан, Өзбекстан, Қазақстан мерзімді басылымдарында қызмет еткен. 2021 жылдан бері “ҚазАқпарат” халықаралық ақпарат агенттігінде шығарушы редактор.