2024 йил июль ойидан бери мамлакатда туғилиш кўрсаткичи ўсиб келмоқда.
Жанубий Корея Статистика вазирлиги маълумотларига кўра, август ойида мамлакатда 23 703 нафар чақалоқ дунёга келган. Бу ўтган йилги 20 983 нафар чақалоқ кўрсаткичидан кўп. Август ойидаги туғилишлар сони 2019 йилдан бери илк бор 24 минг нафарга яқинлашди.
Август ойида Жанубий Кореяда бир аёлга тўғри келадиган болалар сони ўтган йилнинг шу даврига нисбатан 0,09 га ошиб, 0,87 ни ташкил этди. Бироқ миграцияни ҳисобга олмаган ҳолда аҳоли сонини барқарор сақлаб қолиш учун ушбу кўрсаткич 2,1 бўлиши керак.
2026 йилнинг январь-август ойларида 193 783 нафар чақалоқ дунёга келди. Бу - ўтган йилнинг шу даврига нисбатан 14,5 фоиз кўп бўлиб, 2019 йилдан бери қайд этилган энг юқори кўрсаткич ҳисобланади.
Туғилиш кўрсаткичининг ўсишига никоҳлар сонининг кўпайиши, 30-39 ёш оралиғидаги аҳоли сонининг ортиши ҳамда фарзандли бўлишга нисбатан ижобий муносабат шаклланаётгани таъсир кўрсатган.