Twitter инсайдер EverythingBoxing арафасида Жанибекнинг навбатдаги жанги октябрь ойига режалаштирилгани ҳақида хабар берди.
«Qazaq style» ижтимоий тармоқларда ушбу маълумотни тасдиқловчи пост эълон қилди.
Жанг аниқ қаерда ва қачон бўлиб ўтиши ҳозирча маълум қилинмаган. Рақиб ҳам номаълум. Айримлар Алимханулининг навбатдаги рақиби IBF йўналиши бўйича жаҳон чемпиони германиялик Винченцо Гуалтьери ёки британиялик Феликс Кэш бўлиши мумкинлигини тахмин қилган.
Жанибек Алимханули ўзининг сўнгги жангини май ойида Стоктонда (Калифорния, АҚШ) ўтказиб, канадалик Стивен Батлерни иккинчи раундда техник нокаут билан мағлуб этган эди.