Ўзбекистонда «Спутник V» вакцинасини ишлаб чиқариш йўлга қўйилди
Ўзбекистон Соғлиқни сақлаш вазирлиги маълумотларига кўра, «Jurabek Laboratories» МЧЖ томонидан ишлаб чиқарилган «Спутник V» вакцинасининг 1- ва 2- компонентларининг дастлабки 260 500 дозаси Санитария-эпидемиология назорати ва соғлиқни сақлаш хизматига ўтказилди. Бу Ўзбекистонда чиқарилган иккинчи вакцина.
Аввалроқ бу компания хитой-ўзбек олимлари томонидан биргаликда ишлаб чиқилган ZF-UZ-VAC2001 вакцинасининг жами 7 миллион дозасини ишлаб чиқарди, шундан 1 458 820 дозаси эмлаш кампаниясига етказиб берилди.
Шундай қилиб, Ўзбекистонда эмлаш жараёнида фойдаланилаётган жами вакцина 28 473 528 дозани ташкил қилади.
Улардан:
• 460 минг доза «Спутник V»,
• 986,480 минг доза AstraZeneca,
• 13,5 миллион доза ZF-UZ-VAC2001,
• 3 миллион 60 доза - Moderna,
• 1,2 миллион доза Pfizer/BioNTech вакцинаси.