Ўзбекистонда 236 нафар уруш фахрийси Ғалаба байрамини нишонламоқда

TASHKENT. Kazinform - Президент Шавкат Мирзиёев Ғалаба боғида ўтказилган тантанали тадбирда фахрийларни табриклади, дея хабар бермоқда Кazinform мухбири Ўзбекистон раҳбари матбуот хизматига таяниб.

Ўзбекистон Мудофаа вазирлиги маълумотларига кўра, уруш йилларида 1 миллион 951 минг киши, яъни республиканинг ҳар учинчи аҳолиси фронтга сафарбар этилган. 538 мингдан ортиғи ҳалок бўлди, 158 мингдан ортиғи бедарак йўқолди. Охирги маълумотларга кўра, Ўзбекистонда 236 нафар Иккинчи жаҳон уруши қатнашчиси қолган.

Ўзбекистон Президенти фахрийларни табриклаб, пойтахтдаги «Ғалаба» боғида ўрнатилган «Матонат мадҳияси» монументи пойига гул қўйди.

«Матонат мадҳияси» – урушда фарзандидан, эридан, яқинларидан маҳрум бўлган барча оналар, аёллар шарафига ўрнатилган ёдгорлик. Ушбу ёдгорлик Иккинчи жаҳон урушида беш ўғлидан айрилган она Зулфия Зокирова ҳамда унинг фидойи келинлари, етим неваралари хотирасига ўрнатилган.

– Бугун ушбу Ғалаба боғида туриб, муҳтарам фахрийларимизни, бутун халқимизни ушбу байрам билан чин қалбимдан табриклайман. Ана шундай дамларда биз қаҳрамон аждодларимизни ёдга олиб, уларнинг жасорати олдида таъзим қиламиз. Уларнинг тинчлик ва озодлик йўлида босиб ўтган серқирра ҳаёт йўли келажак авлодлар учун буюк ва абадий меросдир», — деди Шавкат Мирзиёев.

Аввалроқ Ўзбекистонда 9 май арафасида уруш қатнашчилари, фашистлар лагерларининг собиқ асирлари ва қамалда қолган Ленинград аҳолиси 15 миллион сўмдан (1350 доллар) олиш ҳуқуқига эга экани ҳақида хабар берилган эди.

Муаллиф: Мадибек Жанибеков