Зарина Дияс Испаниядаги навбатдаги турнирни ғалаба билан бошлади

ASTANА. Кazinform – Қозоғистонлик, дунёнинг 274-ракеткаси Зарина Дияс Пальма-дель-Рио (Испания) ITF W50 турнирининг иккинчи босқичига чиқди.

Турнирнинг 4-ракеткаси сифатида қайд этилган қозоғистонлик теннисчи илк учрашувини жаҳон рейтингида 250-ўринни эгаллаб турган португалиялик Матилде Жоржега қарши ўтказди.

Зарина рақибини 6:3, 6:1 ҳисобида мағлуб этди.

Ўйин бир ярим соатдан кўпроқ давом этди.

Зарина Дияс чорак финалга чиқиш учун дунёнинг 551-ракеткаси, чехиялик Тереза Мартинкова билан куч синашади. У биринчи даврада Польша вакили, рейтингда 392-ўринни эгаллаб турган Мартина Кубкани мағлуб этди - 6:4, 7:6 (9:7).

Қозоғистонлик теннисчи аввалроқ Таусте (Испания) шаҳрида ўтказилган ITF W35 турнирида ғолиб чиққан эди.

Эслатиб ўтамиз, аввалроқ Анна Данилина Буюк Британия турнирининг чорак финалига йўл олгани ҳақида хабар берган эдик.