Brent нефть фьючерслари 1 баррель учун 91,14 долларгача кўтарилди.
АҚШнинг WТI нефти 85,04 долларгача кўтарилди.
Иккала марка ҳам июль ойи охиридан бери энг юқори даражага етди.
АҚШ ва Эрон ўртасида янги келишувга эришиш эҳтимоли камайганидан кейин нефть нархларининг кўтарилиши тезлашди.
Вақтинчалик сулҳнинг тугаши ҳам бозор хавотирларини кучайтирди.
Теҳроннинг ҳарбий позициясини кучайтириши ҳақидаги эълон нефть бозорига қўшимча босим ўтказди.
Бозор иштирокчилари, шунингдек, нефть ташиш учун стратегик аҳамиятга эга бўлган Ҳормуз бўғозидаги вазиятни диққат билан кузатиб бормоқдалар.
Reuters маълумотларига кўра, бўғоз орқали танкерларнинг ҳаракати кескин секинлашди.
Шанба куни бўғоздан атиги бешта танкер ўтди.
Якшанба куни бирорта ҳам танкер ўтмади.
Таққослаш учун, бир ҳафта олдин дам олиш кунлари бўғоздан 31 та кема ўтди.
Қизил денгизда хусийларнинг кемаларга ҳужумлари ҳам бозор учун қўшимча таҳдиддир.
Шу муносабат билан, инвесторлар нефть ташиш учун иккита муҳим денгиз йўли — Ҳормуз ва Баб-эл-Мандеб бўғозлари кетма-кет бузилиб қолиши мумкинлигидан хавотирда.
Эслатиб ўтамиз, 17 август куни Brent қимматлашди, WТI эса арзонлашди.