Компаниянинг ички веб-сайтида чоп этилган интервьюда Блюм Volkswagen Group рақобатчиларига қараганда тахминан 20% кўпроқ ходимга эга эканлигини айтди. Шунинг учун, улар билан таққосланадиган даражага эришиш учун 2024 йилда ишга туширилган харажатларни қисқартириш режаси доирасида режалаштирилган қисқартиришлардан ташқари, тахминан 50 000 та иш ўринларини қисқартириш керак бўлиши мумкин.
— Компаниядаги ходимлар сони ўнлаб йиллар давомида барқарор ўсиб бормоқда ва энди иқтисодий жиҳатдан ночор даражага етди, — деди Оливер Блюм.
Унинг сўзларига кўра, бундай қарор бозор ўзгаришлари ва компания назоратидан ташқаридаги омиллар билан боғлиқ. Ушбу омилларнинг молиявий таъсири ўнлаб миллиард еврога баҳоланмоқда.
Ўтган ҳафта Volkswagen Group ўзининг бизнесни ривожлантириш режасини тақдим этди. Ҳужжатга кўра, компания ишлаб чиқарилган автомобиль моделлари турини тахминан 50% га қисқартиришни режалаштирмоқда.
Автомобиль ишлаб чиқарувчиси шунингдек, мавжуд бозор талаблари ва ортиб бораётган рақобатга мослашиш учун ишлаб чиқариш қувватларини оптималлаштиришни режалаштирмоқда. Хусусан, Volkswagen Хитой ва Европадаги ишлаб чиқариш қувватларини камайтиради.
Эслатиб ўтамиз, 2024 йили Германиянинг Volkswagen компанияси 35 минг иш ўрнини қисқартиришини айтган эди.