Шаҳар маъмурияти маълумотига кўра, автобуслар шаҳарнинг барча ҳудудларини қамраб олиш мақсадида белгиланган 21 та нуқтадан қатнай бошлайди.
Шунингдек, автобуслар ҳаракати реал вақт режимида, жумладан видеокузатув орқали назорат қилинади. Бу йўллардаги ҳаракат ҳолатини кузатиш, зарурат туғилганда транспорт ҳаракатини тартибга солиш ва юзага келган муаммоларни тезкор ҳал этиш имконини беради.
Эслатиб ўтамиз, 31 августда Бишкекдаги янги стадионда VI Бутунжаҳон кўчманчилар ўйинларининг катта тантанали очилиш маросими бўлиб ўтади.
Ўйинларнинг асосий спорт, маданий ва илмий дастури эса 2-6 сентябрь кунлари Иссиқкўл вилоятининг Чўлпон-Ота шаҳри ва Қирчин дарасида давом этади.
Аввалроқ Қирғизистон VI Бутунжаҳон кўчманчилар ўйинларига бағишланган видеороликни тақдим этгани ҳақида хабар берган эдик.
Шунингдек, 2026 йилги Бутунжаҳон кўчманчилар ўйинларининг талисмани сифатида қор қоплони танлангани хабар қилинган эди. Унга Батай номи берилган.
VI Бутунжаҳон кўчманчилар ўйинларида 3 мингга яқин спортчи иштирок этиши ҳақида хабар берган эдик.