Ўзбекистонлик боксчиларнинг ноябрь ойи учун WBО рейтингидаги ўринлари маълум бўлди

TASHKENT. Kazinform - Бутунжаҳон бокс ташкилоти (WBО) ноябрь ойи учун янгиланган рейтингни эълон қилди, деб хабар беради Kazinform Ўзбекистон профессионал бокс федерацияси матбуот хизматига таяниб.

Супер ўрта вазндаги ўзбекистонлик боксчи Исроил Мадримов илк бор WBО рейтингидан ўрин эгаллади.

Ўзбекистонлик боксчиларнинг рейтингдаги янги ўринлари:

Олимжон Назаров (ўта енгил вазн тоифаси - 50,8 кг) ўтган ойдагидан 2 поғона юқорилаб, 2-ўринни эгаллади;

Муҳаммад Шехов (биринчи ярим енгил вазн тоифаси - 55,3 кг) ўтган ойдаги каби 5-ўринни эгаллади;

Шаҳрам Ғиёсов (ярим ўрта вазн тоифаси - 66,6 кг) ўтган ойдаги сингари вазн пешқадами;

Исроил Мадримов (супер ўрта вазн тоифаси -69,9 кг) 10-ўринга жойлаштирилди;

Бектемир Мелиқўзиев (супер ўрта вазн -76,2 кг) ўтган ойдагидан 2 поғона юқорилаб, 9-ўринга жойлашди.

Эслатиб ўтамиз, ўзбекистонлик боксчи Баҳодир Жалолов 6 февраль куни Канадада жанг қилиши ҳақида хабар берган эдик.