Ўзбекистон импортидаги ТОП-10 давлат маълум қилинди

TASHKENT. Kazinform — Миллий статистика қўмитаси маълумотларига кўра, 2025 йилда Ўзбекистоннинг ташқи савдо айланмасида импорт ҳажми 47,4 млрд АҚШ долларини ташкил этди.

Импорт ҳажми 2024 йилга нисбатан 18,5 % га ўсган.

Мазкур даврда Ўзбекистон 180 дан ортиқ давлатдан товар ва хизматлар импортини амалга оширди.

2025 йилда Ўзбекистон импортидаги ТОП-10 давлатлар (АҚШ долларида):

— Хитой – 14,8 млрд;

— Россия – 8,6 млрд;

— Қозоғистон – 3,4 млрд;

— Туркия – 1,9 млрд;

— Корея Республикаси – 1,7 млрд;

— Германия – 1,3 млрд;

— Ҳиндистон – 1,2 млрд;

— Туркманистон – 1,1 млрд;

— Беларусь – 778,5 млн;

— АҚШ – 712,3 млн.

Эслатиб ўтамиз, ўтган йили Ўзбекистонда электромобиллар импорти икки баравар ошди.