Ўтган йилнинг 1 октябрь ҳолати билан таққослаганда, аҳоли сони 692,2 минг кишига ёки 1,8 фоизга ошган.
Миллий статистика қўмитаси маълумотларига кўра, аҳоли сони бўйича Самарқанд вилояти етакчилик қиляпти. Мазкур ҳудудда 4,46 миллион киши истиқомат қилади. Фарғона вилояти эса 4,29 миллион аҳоли билан ундан бироз ортда. Ўзбекистоннинг аҳолиси энг кўп бўлган учта ҳудуди қаторига Тошкент вилояти ҳам кирди. Унда 3,8 миллион киши яшайди.
Ҳудудлар орасида аҳоли сони энг кам вилоят Сирдарё вилояти бўлиб, у ерда тахминан 965,4 минг киши истиқомат қилади.
Пойтахт аҳолиси сони ҳам алоҳида қайд этилган: Тошкент шаҳрида 3,28 миллион киши яшайди.