Портлаш 9 ноябрь, душанба куни маҳаллий вақт билан соат 11:46 да содир бўлган. Завод жойлашган жойда ёнғин содир бўлди ва ишлаб чиқариш мажмуаси устидан қалин тутун кўтарилди. Аэропортдан олинган тасвирларда махсус ускуналар ва тез ёрдам машиналари билан ўралган объект кўрсатилган, улар жароҳатланганларни яқин атрофдаги касалхоналарга олиб боришмоқда.
Измир губернатори Сулаймон Элбаннинг сўзларига кўра, техник хизмат кўрсатиш ишлари пайтида электр ёйли печга минорали кран қулаб, газ қувурига зарар етказган. Натижада портлаш содир бўлган.
Ишчилардан бири AFP агентлигига кран арқонининг узилишидан печга тахминан 120 тонна эритилган пўлат тўкилганини ва кучли реакцияга сабаб бўлганини айтди.
Ҳодиса содир бўлган пайтда заводнинг зарар кўрган қисмида тахминан 200 ишчи бўлган. Одатда, ишчилар сони кўпроқ бўлади. Бироқ, техник хизмат кўрсатиш туфайли ишлаб чиқариш вақтинча тўхтатилган.
Бахтсиз ҳодиса ҳолатларини текшириш учун тўрт нафар прокурор тайинланди. Беш киши ҳибсга олинди. Қутқарувчилар вайроналар остида қолиб кетган одамларни қидиришда давом этмоқда.
Эслатиб ўтамиз, Туркияда альпинистлар бўлган микроавтобус ҳалокатга учради.