Трамп партия тузмоқчи бўлган Илон Маскка жавоб берди
ASTANA. Kazinform – АҚШ президенти Дональд Трамп янги партия тузиш ниятини маълум қилган ўзининг собиқ иттифоқчиси Илон Маскни “ақлдан озган” деб атади, деб хабар беради BBC.
“Илон Маскнинг ақлини йўқотганини кўриш мен учун қийин […] У Америка Қўшма Штатларида ҳеч қачон муваффақиятга эриша олмаган бўлса-да, учинчи партия тузмоқчи – бу тизим унга мос эмас”, – деб ёзди Трамп Truth Social ижтимоий тармоғида.
Эслатиб ўтамиз, Маск “Америка” деб номланган янги сиёсий партия тузилганини эълон қилди.
АҚШ президенти Дональд Трамп ва Tesla компанияси бош директори, унинг собиқ иттифоқчиси Илон Маск ўртасидаги келишмовчилик яна авж олди.
Бунга мамлакатдаги давлат харажатларига оид қонун лойиҳасининг қабул қилиниши сабаб бўлди. Шу муносабат билан Трамп Маскни давлат субсидияларидан маҳрум этиш ва уни Жанубий Африкага “қайтариш” билан таҳдид қилди.
The New York Times нашрининг маълум қилишича, миллиардер ва Трампнинг собиқ маслаҳатчиси бўлган Маск, агар мазкур ички сиёсатга оид қонун қабул қилинса, “Америка партиясини” тузиб, Конгрессдаги кўплаб республикачи номзодларга қарши чиқадиганларни қўллаб-қувватлашини айтган.