“Канада ва АҚШ ҳужжатларни якуний тарзда келишиб олиш шарти билан келишувга эришгани сабабли, эртага эрталаб кучга кириши керак бўлган Канадага нисбатан 50 фоизлик божларни жорий этишни уч кунга тўхтатдим”, — деб ёзди Трамп Truth Social ижтимоий тармоғида.
Томонлар бир қатор масалалар, жумладан, АҚШнинг автомобилларга нисбатан божлари ҳамда Канаданинг кўплаб провинцияларида Америка алкоголли ичимликларини сотишга қўйилган тақиқ масаласида боши берк кўчага кириб қолган.
Бу ҳафта Трамп ва Канада бош вазири Марк Карни телефон орқали икки марта мулоқот қилди. Интенсив музокаралар эса июль ойидан буён давом этмоқда. Бунга АҚШ президенти 19 августдан бошлаб янги божлар жорий этиш билан таҳдид қилгани сабаб бўлган.
“Сезиларли тараққиётга эришилди, гарчи ҳали муҳим ишлар қилиниши керак бўлса-да”, — деб ёзди Карни X ижтимоий тармоғида.
Июль ойида АҚШ президенти Дональд Трамп Канададан импорт қилинадиган кенг турдаги товарларга қўшимча 50 фоизлик бож жорий этиш тўғрисидаги фармонни имзолаган эди.