Трамп бу баёнотни Огайо штатидаги митингга кетаётганида Оқ уй яқинида журналистларга берган интервьюсида айтди.
Президент АҚШда соат ўзгартириш амалиётидан воз кечиш кераклигини ва Сенат тегишли қонун лойиҳасини қабул қилиши кераклигини айтди.
Трампнинг сўзларига кўра, ҳозирги тизим мамлакат иқтисодиётига сезиларли даражада юк туширади ва одамларнинг нормал ҳаётини бузади.
— Биз соатни йилига икки марта олдинга ва орқага ўзгартиришнинг бу асоссиз амалиёти ва анъанасидан халос бўлишни истаймиз, — деди у.
Трампнинг таъкидлашича, аксарият америкаликлар кўпроқ кундузги ёруғликдан фойдаланишни хоҳлашади. Бироқ, у қишки вақтга ўтгандан кейин қуёш эртароқ ботишини таъкидлади.
Президент шунингдек, қонун лойиҳасининг Сенатда қабул қилинишига тўсқинлик қилаётган республикачи сенатор Том Коттонни танқид қилди.
Трамп ҳужжат илгари Вакиллар палатасида 80 фоиздан ортиқ овоз билан маъқулланганини эслатди.
— Қонун лойиҳаси Сенатда бир мунча вақтдан бери мавжуд. Умид қиламанки, биз Том Коттонни ҳаракат қилишга кўндира оламиз. Том Коттон қонун лойиҳасини тўсиб қўймоқда ва бу амалга оширилмаслиги керак, — деди президент.
Бир кун олдин Трамп Коттоннинг мобил телефон рақамини ижтимоий тармоғига жойлаштирди ва сайловчиларни сенаторга босим ўтказишга ва ундан қонун лойиҳасини тўсиб қўймасликни талаб қилишга чақирди.
Қўшма Штатларда ёзги вақт Биринчи жаҳон урушидан бери турли шаклларда қўлланилган. 1966 йилда бу тизим федерал қонун билан бутун мамлакат бўйлаб жорий этилган.
Эслатиб ўтамиз, Трамп республикачилар ғалаба қозонса, ҳар бир америкаликка 5 минг доллардан тўлашга ваъда берди.