Бу ҳақда Тожикистон Республикаси Бош вазирининг биринчи ўринбосари Ҳоким Ҳолиқзода «Тожикистон ва мустақилликнинг 35 йили: тинчликни сақлаш тажрибаси, кўпвекторли сиёсат ва барқарор ривожланиш» мавзусидаги халқаро конференцияда маълум қилди.
Бош вазир ўринбосарининг таъкидлашича, Тожикистон мустақил давлатчиликни шакллантириш йўлидан ўтиб, барқарор ва тараққий этган давлатга айланди. Мамлакат шу давр мобайнида сезиларли ижтимоий-иқтисодий тараққиётга эришди.
“Мамлакатнинг ялпи ички маҳсулоти 1991 йилдаги 13,4 миллион сомонидан 2025 йилда 176,9 миллиард сомонига етди. Шу даврда аҳоли жон бошига тўғри келадиган ялпи ички маҳсулот 2,5 сомонидан 14 700 сомонига ошди. Бу даврда миллий иқтисодиёт йилига ўртача 7,6 фоиздан ўсди”, — деди маърузачи.
Унинг қайд этишича, камбағалликни қисқартириш Тожикистоннинг мустақилликка эришганидан буён энг муҳим ижтимоий ютуқларидан бири бўлди.
“Бу кўрсаткич 1990 йиллардаги 83 фоиздан 2025 йилда 19 фоизгача камайди”, — деди Ҳоким Ҳолиқзода.
Эслатиб ўтамиз, аввалроқ Тожикистонда 30 минг томошабинга мўлжалланган Миллий стадион очилгани ҳақида хабар берган эдик.