Тегишли қарор Тожикистон ҳукумати томонидан 2026 йил 1 июлда қабул қилинган. Ҳужжат туризм хизматларини кўрсатувчи субъектларни қўллаб-қувватлаш ва мамлакат туризм саноатини ривожлантириш учун ишлаб чиқилган.
Янги жамғарма бир нечта молиялаштириш манбаларидан шакллантирилади. Улардан бири Тожикистон фуқароларининг чет элга саёҳат қилишлари учун туристик пакетларни сотишдан тушган маблағнинг 5 фоизини ўтказишдир.
Бундан ташқари, жамғарма мамлакат ичида саёҳат қилаётган хорижий сайёҳлар учун кунлик тўлов, туристик хизматлар кўрсатишга рухсат берувчи ҳужжатни бериш учун тўлов, ушбу тўловларни тўлашдан бўйин товлаганлик учун жарималар, депозитлардан даромад, шунингдек, грантлар ва халқаро молия ташкилотларининг мақсадли маблағлари ҳисобидан олинади.
Жамғарма томонидан олинган маблағлар туризм инфратузилмасини яратиш ва ривожлантириш, мутахассисларни ўқитиш ва уларга ижтимоий ёрдам кўрсатиш, хизмат кўрсатиш сифатини яхшилаш, шунингдек, мамлакатнинг туризм салоҳиятини жорий этиш ва тарғиб қилиш учун ишлатилади.
Жамғарма маблағларини бошқариш 13 кишидан иборат Кенгашга юклатилган. Кенгашга Туризмни ривожлантириш қўмитаси раиси ва унинг биринчи ўринбосари раҳбарлик қилади.
Кенгаш таркибига вазир ўринбосарлари, тегишли давлат органлари раҳбарлари ва туризм жамоат бирлашмаси вакили ҳам киради.
Эслатиб ўтамиз, Тожикистон иқтисодиёти 8,2 фоизга ўсди.