Toyota компанияси дастурий таъминотдаги носозлик сабабли АҚШда 2026 йилда ишлаб чиқарилган 30 978 та RAV4 Plug-in гибрид автомобилини қайтариб олмоқда. Нуқсон ҳаракат вақтида автомобиль гибрид тизимининг тўсатдан ишдан чиқишига сабаб бўлиши мумкин.
NHTSA маълумотларига кўра, мотор-генераторни бошқариш тизимидаги камчилик юқори тезликда гибрид тизими қувватининг пасайишига ва унинг ўчиб қолишига олиб келади.
NHTSA ушбу нуқсон йўл-транспорт ҳодисаси хавфини ошириши мумкинлигидан огоҳлантирди.
АҚШдаги Toyota дилерлари масалани бартараф этиш учун тегишли дастурий таъминотни бепул янгилаб беради.
Toyota компанияси тегишли автомобиллар эгаларига декабрь ойининг бошида хабарнома юборишини маълум қилди.