Тимофей Скатов Тунисдаги турнирнинг чорак финалига чиқди

ASTANA. Kazinform – Қозоғистонлик теннисчи, дунёнинг 247-ракеткаси Тимофей Скатов Тунис челленжер турнирининг чорак финалига чиқди.

Саралаш баҳсларида мусобақани бошлаган қозоғистонлик теннисчи иккинчи даврада жаҳон рейтингида ўзидан олти поғона юқоридаги нидерландиялик Гийс Брувер билан маҳорат кўрсатди.

Тимофей Скатов баҳсни чўзмасдан 6:2, 6:3 ҳисобида зафар қучди. Учрашув бир соату 18 дақиқа давом этди.

Т.Скатов ярим финалга чиқиш учун дунёнинг 120-ракеткаси, ушбу мусобақанинг 1-ракеткаси Монако вакили Валентин Вашеро билан куч синашади.

Эслатиб ўтамиз, аввалроқ Александр Бублик Рим мастерс турнирининг жуфтлик баҳсларида ярим финалга чиққани ҳақида ёзган эдик.