Тимофей Скатов Тунисда учинчи ғалабасини қўлга киритди

ASTANA. Kazinform – Қозоғистонлик теннисчи, дунёнинг 247-ракеткаси Тимофей Скатов Тунис челленжер турнирининг иккинчи босқичига йўлланма олди.

Мусобақани саралаш баҳсларидан бошлаган Т.Скатов Тунисда учинчи ғалабасини қўлга киритди.

Асосий турнирнинг биринчи даврасида қозоғистонлик теннисчи жаҳон рейтингида 175-ўринни эгаллаб турган франциялик, ушбу турнирнинг 6-ракеткаси Бенжамин Бонзини мағлуб этди.

Биринчи партияда Б.Бонзи устун келди - 7:5. Шундан сўнг камбэк қилган Т.Скатов ўйин тизгинини ўз қўлига олишга муваффақ бўлди - 6:3, 6:2.

Икки соату 42 дақиқа давом этган шиддатли баҳсда Скатов 10 та эйс ва 14 та брейк-пойнтнинг ярмини фойдаланди. Бонзи 7 эйс, 4 брейк (9 брейк-пойнт) билан ажралиб турди.

Тимофей Скатов чорак финалга чиқиш учун дунёнинг 241-ракеткаси нидерландиялик Гийс Брувер билан куч синашади.

Айни пайтда Т.Скатов ATP Live рейтингида 244-ўринни эгаллаб турибди.