Тимофей Скатов Италиядаги турнирнинг иккинчи босқичига йўл олди

ASTANA. Кazinform – Дунё рейтингида 233-ўринни эгаллаб турган қозоғистонлик теннисчи Виченца (Италия) челленжер турнирининг 1/8 босқичига йўл олди.

Қозоғистонлик теннисчи биринчи даврада жаҳон рейтингида ўзидан бир поғона юқоридаги бельгиялик Готье Онклинни мағлуб этди.

Биринчи сетда Скатов яққол устунликни кўрсатди - 6:1.

Иккинчи сетда эса у тай-брейкда ғалабани қўлга киритди – 7:6 (7:4).

Икки соатдан ортиқ давом этган кескин баҳсда қозоғистонлик спортчи 3 та эйс билан бирга 8 та брейк-пойнтнинг ярмини қўлга киритди. Онклин 2 та брейк билан чекланди (11 та брейк-пойнт).

Тимофей Скатов чорак финалга йўл олиш учун дунё рейтингида 182-ўринни эгаллаб турган ва ушбу турнирда 6-ракеткаси сифатида таснифланган австриялик Лукас Ноймайер билан тўқнаш келади.

Бундан роппа-роса бир ой муқаддам Л.Ноймайер Рим челленжер турнирида Т.Скатовни 6:3, 7:6 (7:3) ҳисобида мағлуб этганди.

Соврин жамғармаси 91 250 еврони ташкил қилувчи Виченца турнири 1 июнь куни якунланади. Ғолиб 12 980 евро ва 75 рейтинг очкосига эга бўлади.

Эслатиб ўтамиз, аввалроқ Елена Рибакина Ролан Гаррос турнирини мувафаққиятли бошлагани ҳақида хабар берган эдик.