Ҳодиса Хуалянь округидаги тоғ туннелига кираверишда содир бўлган. Taroko Express поездининг саккизта вагонида 350 йўловчи бўлган. Дастлабки маълумотларга кўра, поезд қияликдан тушаётган қурилиш машинаси билан тўқнашган. Натижада, иккинчи ва учинчи вагонлар рельсдан чиқиб, туннел деворига урилган.
Тайван темир йўл маъмуриятининг хабар беришича, вафот этганларнинг аксарияти сўнгги икки вагонда топилган. Ҳукумат фавқулодда вазиятлар марказини ташкил этди.