Таиланд молия вазири Экнити Нититханпрапастнинг маълум қилишича, вазирлик яқин вақт ичида янги йиғимни жорий этмасликка қарор қилган. Бунга қўшимча харажатлар туризм соҳасига салбий таъсир кўрсатиши мумкинлиги сабаб бўлган.
Вазирнинг айтишича, ҳукумат йил охиридаги тўртинчи чоракда сайёҳлик сафарларининг ижобий ўсиш суръатини сақлаб қолишни мақсад қилган.
Солиқни жорий этишни кейинга қолдиришнинг яна бир сабаби — Яқин Шарқдаги можаро фонида энергия ресурслари нархининг ошишидир. Бу авиакомпаниялар ва саёҳатчилар харажатларининг кўпайишига олиб келди.
Бундан аввал Таиланд ҳукумати фуқаролигидан қатъи назар, хорижга учиб кетаётган йўловчилардан 1 000 бат (13,3 минг тенге) миқдорида солиқ ундиришни таклиф қилган эди. Ушбу йиғимни авиачипта нархига қўшиш режалаштирилган.
Қонун лойиҳаси бўйича жамоатчилик муҳокамаси 30 сентябрда бошланиб, 29 октябрда якунланиши керак.
Шу билан бирга, Молия вазирлиги солиқни кейинга қолдириш мамлакатга кириб келаётган сайёҳлардан 450 бат миқдорида йиғим ундириш ҳақидаги алоҳида таклифга таъсир қилмаслигини таъкидлади.
Мамлакатдан чиқиш солиғини жорий этишнинг янги муддати ҳозирча белгиланмаган.
Бундан аввал Таиланд хорижий сайёҳлардан йиғим ундириш имкониятини кўриб чиқаётгани ҳақида хабар берилган эди.