Тезлиги соатига 135 километрга етган довул Эдинбургдан тахминан 200 километр шимолда жойлашган Шотландиянинг Абердин шаҳри яқинида катта зарар келтирди. 130 мингдан ортиқ оила ва корхона электр таъминотисиз қолди.
Электр узатиш линиялари қулаган дарахтлардан шикастлангани боис электр узилиши бир кундан ортиқ давом этди.
Поездлар ҳаракати тўхтатилган, бир қанча йўллар ёпилган. Маҳаллий полиция аҳолига уйда қолишни маслаҳат берди.
«Малик» тўфони Нидерландия шимоли ва шарқида катта зарар келтирди. Кўп ҳолларда уйлар бузилиб, йўл тўсиб қўйилган.
Дания ҳам довул оқибатлари билан курашмоқда. Копенгаген ҳудудида барча поездлар ҳаракати тўхтатилди. Дания ва Швецияни боғловчи кўприк эҳтиёт чораси сифатида ёпилди.
Муаллиф: Арнур Рахимбеков