Ролан Гарросдаги сенсация: Бублик дунёнинг 5-ракеткасини мағлуб этди

ASTANA. Kazinform – Қозоғистоннинг биринчи ва дунёнинг 62-ракеткаси Александр Бублик “Ролан Гаррос” турнирининг чорак финалига йўл олди.

Қозоғистонлик теннисчи тўртинчи босқичда британиялик, дунёнинг 5-ракеткаси, 23 ёшли Жек Дрейпер билан тўқнаш келди.

Рақиблар бунгача уч марта тўқнаш келишган, уларнинг иккитасида Дрейпер ғалаба қозонган.

Бу сафар биринчи сетда 5:5 ҳисоби қайд этилганида британиялик спортчи брейк қилди – 7:5.

Бироқ иккинчи сетда Бублик ҳисобни тенглаштирди – 6:3.

Қозоғистонлик теннисчи учинчи сетни 6:2 ҳисобида якунлади.

Александр тўртинчи сетни брейк билан бошлади – 2:0. Якунида у ғалаба қозонди - 6:4.

Икки соату 34 дақиқа давом этган кескин ўйинда Бублик 8 та эйс билан бирга олтита брейк-пойнтнинг бештасини фойдаланди.

Шу тариқа, А.Бублик спорт фаолиятида илк бор Франция очиқ чемпионатининг чорак финалига чиқди.