Қозоғистоннинг биринчи, дунёнинг 16-чи ракеткаси Елена Рибакина Франция очиқ чемпионатининг биринчи даврасида дунё рейтингида 76-чи ўринни эгаллаб турган нидерландиялик Аранча Русьга қарши кортга чиқади.
Дунёнинг 37-чи ракеткаси Юлия Путинцева саралаш баҳслари ғолибларидан бири билан учрашади.
Қозоғистоннинг эркаклар ўртасидаги биринчи, дунёнинг 41-чи ракеткаси Александр Бублик рейтингда 65-чи ўринни эгаллаб турган франциялик Артур Риндеркнех билан куч синашади.
Жуфтлик баҳсларига қуръа ташлаш маросими натижалари кейинроқ эълон қилинади.
Айни дамда саралаш ўйинлари давом этаётган Ролан Гарроснинг асосий турнири 22 май куни бошланиб, 5 июн куни якунига этади.
Муаллиф: Елжан Ерали