Рибакина Ролан Гаррос турнирида Олимпиада чемпионига қарши ўйнайди

ASTANА. Кazinform — Эркаклар ва аёллар ўртасидаги яккалик баҳсларида Ролан Гаррос турнирига қуръа ташланди.

Қозоғистоннинг биринчи, дунёнинг 12-ракеткаси Елена Рибакина биринчи босқичда жаҳон рейтингида 4-ўринга кўтарилган ва айни пайтда 39-ўринни эгаллаб турган швейцариялик Белинда Бенчичга қарши кортга чиқади.

Токио Олимпиадасида Е.Рибакина ярим финалда айнан шу теннисчига имкониятни бой берди. Кейинроқ Б. Бенчич чемпион бўлди, бироқ қозоғистонлик спортчи бронза медали учун кечган баҳсда украиналик Элина Свитолинага имкониятни бой берган эди.

Бу йил Абу-Дабида WТА 500 турнирида Е.Рибакина яна Б.Бенчичга ютқазди.

Яна бир қозоғистонлик, дунёнинг 29-ракеткаси Юлия Путинцева Франция Очиқ чемпионатида саралаш турнири ғолибларидан бири билан тўқнаш келади.

Қозоғистоннинг эркаклар ўртасидаги биринчи, дунёнинг 51-ракеткаси Александр Бублик ўзининг илк учрашувини 92-ўриндаги австралиялик Жеймс Даквортга қарши ўтказади.

Саралаш турнирининг финалига қадар етиб борган Александр Шевченко австриялик Филип Мисолични мағлуб этса, асосий баҳсга йўлланмани қўлга киритади.

Эслатиб ўтамиз, аввалроқ Елена Рибакина Страсбург турнирида ярим финалга чиққани ҳақида хабар берган эдик.