Рамазон — 2025: Қозоғистонда фитр садақасининг миқдори тасдиқланди

ASTANА. Кazinform — Бир неча кундан кейин мусулмонлар жамоатчилиги учун муқаддас Рамазон ойи бошланади.

Қозоғистон мусулмонлари диний бошқармаси қўшма фатвога мувофиқ, Рамазон ойи 1 мартдан бошланишини маълум қилди. 26 мартдан 27 мартга ўтар кечаси — Қадр кечаси(Лайлат ул-қадр), 30 март эса Рамазон ҳайити байрамидир.

Мамлакат бош муфтийси Науризбай ҳожи Тағанули раислигида ўтказилган Қозоғистон мусулмонлари диний бошқармаси президиуми йиғилишида фитр садақаси мамлакатда икки килограмм уннинг ўртача нархидан келиб чиқиб, 655 тенге этиб белгиланди.

Эслатиб ўтамиз, барча вилоятлар, шаҳарлар, туманлар ва қишлоқлар (жами 6000 та аҳоли пункти) бўйича рўза ва намоз ўқиш жадвалларини ҳаволани босиш орқали muftyat.kz сайтидан PDF форматида юклаб олиш мумкин.

Эслатиб ўтамиз, Қозоғистон мусулмонлари диний бошқармасининг шариат ва фатво бўлими ўтган йилнинг кузида 2025 йил учун диний кунлар жадвалини тасдиқлаган эди.