Qozog‘istonda ob-havo keskin sovishi mumkin - FVV

ASTANA. Kazinform – Yaqin kunlarda mamlakatning bir qator hududlarida ob-havo keskin yomonlashadi, deb xabar berdi Favqulodda vaziyatlar vazirligi matbuot xizmati.

— Ko‘pgina shimoliy va markaziy viloyatlarda qor yog‘adi, bo‘ron bo‘ladi, tuman tushadi, shamolning tezligi 15-20 m/s gacha yetadi, — deyiladi xabarda.

Aqmola, Qostanay, Shimoliy Qozog‘iston, Pavlodar, Qarag‘andi, Sharqiy Qozog‘iston, Ulitau va Abay viloyatlarida havo harorati -25…-33 °C gacha tushadi.

Astanada -24…-26 °C gacha sovuq bo‘lishi kutilmoqda.

Eslatib o‘tamiz, 5 dekabr kuni mamlakatning aksariyat qismini tuman qoplashi haqida xabar bergan edik.