Йиғилишдаги нутқида Давлат раҳбари қозоғистонлик спортчилар ХХ ёзги Осиё ўйинлари ва Японияда бўлиб ўтган V Осиё пара ўйинларида ажойиб натижаларга эришганини, бу эса мамлакатимизнинг мавқеини оширганини таъкидлади.
— Бу, албатта, давлатимиз учун катта ютуқ ва катта фахр! Барчангизни ёрқин ғалабаларингиз билан табриклайман! Қитъанинг энг яхши спортчилари иштирок этган улкан мусобақада сизлар мамлакат шарафини ҳимоя қилдингизлар ва шоҳсупага кўтарилдингизлар! Терма жамоанинг меҳнати туфайли Осиё ўйинларида бизнинг мадҳиямиз янгради ва кўк байроғимиз баландда ҳилпиради. Мен ҳар бир ғалабани чинакам ватанпарварликнинг яққол акси деб биламан. Бутун халқимиз сизларни қўллаб-қувватлади ва сизларнинг мухлисингизга айланди. Ҳар бир спортчи миллий саватчага тақдим этадиган медаль фуқароларимиз, айниқса ўсиб келаётган ёш авлод учун катта илҳом манбаи бўлиб, уларни кучли, қудратли бўлишга ундайди ва олдинга етаклайди. Бугун, ушбу тантанали вазиятда, мен, Давлат раҳбари сифатида, барчангизга яна бир бор самимий миннатдорчилигимни билдираман, — деди Президент.
Шуни таъкидлаш керакки, Японияда бўлиб ўтган ХХ ёзги Осиё ўйинлари якунланмоқда. Қозоғистон терма жамоаси 84 та медаль (12 та олтин, 24 та кумуш ва 48 та бронза) қўлга киритиб, умумжамоа ҳисобида 46 та мамлакат орасида 8-ўринни эгаллади.
Осиё пара ўйинларида эса Қозоғистон 50 та медаль қўлга киритиб, кучли ўнталикка кирди.