Учрашув давомида жамоалар кескин ўйин кўрсатишди. Аввалига француз клубидан Хвича Кварацхелия 20-дақиқада ҳисобни очди, 45-дақиқада эса инглиз жамоасидан Брайан Маджо ҳисобни тенглаштирди.
61-дақиқада эса Дезире Дуэ яна «Пари Сен-Жермен»ни олдинга олиб чиқди.
Шундай қилиб, «Пари Сен-Жермен» рақибини 2:1 ҳисобида мағлуб этди ва кетма-кет иккинчи йил суперкубок ғолибига айланди.
Франция жамоаси Чемпионлар лигаси финалида Англиянинг "Арсенал" жамоасини (1:1, пенальтилар сериясида 4:3) мағлуб этган бўлса, Европа лигаси финалида "Астон Вилла" Германиянинг "Фрайбург" жамоасини 3:0 ҳисобида мағлуб этди.
Суперкубок 1972 йилдан бери мунтазам равишда ўтказиб келинмоқда. Ҳозирга қадар Испаниянинг "Реал Мадрид" жамоаси уни 6 марта қўлга киритган.
Шунингдек, Испаниянинг "Барселона" ва Италиянинг "Милан" жамоалари 5 марта, Англиянинг "Ливерпуль" клуби 4 марта, Нидерландиянинг "Аякс" ва Испаниянинг "Атлетико Мадрид" жамоалари 3 марта, Англиянинг "Челси", Германиянинг "Бавария", Бельгиянинг "Андерлехт", Испаниянинг "Валенсия" ва Италиянинг "Ювентус" жамоалари 2 мартадан кубокни қўлга киритишган.
Шунингдек, қуйидаги клублар бир мартадан кубокни қўлга киритишган: Испаниянинг "Севилья", Португалиянинг "Порту", Англиянинг "Манчестер Юнайтед", "Ноттингем Форест", "Астон Вилла", Украинанинг "Динамо Киев", Шотландиянинг "Абердин", Руминиянинг "Стяуа", Бельгиянинг "Мехелен", Италиянинг "Парма" ва "Лацио", Туркиянинг "Галатасарой" ва Россиянинг "Зенит".
Ўтган йили "Париж Сен-Жермен" суперкубокни қўлга киритган эди.
Эслатиб ўтамиз, PSG Academy Қозоғистонда биринчи расмий футбол академиясини очади.