The Cable нашри мамлакат Соғлиқни сақлаш вазирлигига таяниб хабар беришича, ҳукумат вирус юқтирган бемор билан алоқада бўлган 44 кишини аниқлаган.
Вирус юқтирган аёл Нигерияга Угандадан самолётда келган. Ҳозирда у мамлакат пойтахти Абуджадаги хусусий клиникалардан бирида даволанмоқда.
Ҳукумат миллий соғлиқни сақлаш тизимидаги барча тиббиёт муассасаларини ўта ҳушёр бўлишга чақирди.
Эбола эпидемияси 2026 йил май ойида Конго Демократик Республикасида (КДР) бошланган. У мамлакат тарихидаги энг йирик эпидемияга айланган.
Сўнгги маълумотларга кўра, КДР ҳудудида вирусни юқтириш билан боғлиқ 9,4 мингдан ортиқ ҳолат қайд этилган ва 4,5 мингдан зиёд киши вафот этган. Касаллик мамлакатнинг саккизта вилоятига тарқалган.
Кенияда эса тўққиз нафар бемор қайд этилган.
Аввалроқ Кенияда Эбола вирусини юқтиришнинг саккизинчи ҳолати аниқлангани ҳақида хабар берилган эди.