Бунга қадар қутқарувчилар яна саккиз кишининг жасадини топган эди. Бу ҳақда маҳаллий ҳокимият вакили маълум қилди.
Қор кўчкисида ҳалок бўлган саккиз кишидан икки нафарига тегишли жасадлар вертолёт орқали Чаме қишлоғидаги туман шифохонасига олиб борилди. Қолган олти кишининг жасадлари эса шу ҳудуддаги Пху қишлоғига юборилди.
Мананг округи ҳокими ўринбосари Кришна Прасад Пауделнинг айтишича, офатдан сўнг бедарак йўқолган 16 кишидан 15 нафарига тегишли жасадлар пайшанба кунига қадар топилган. Сўнгги бедарак йўқолган шахснинг шахсий буюмлари топилган бўлса-да, унинг ўзи ҳали ҳам қидирилмоқда.
Якшанба куни эрталаб 7126 метр баландликдаги Химлунг-Химал чўққисининг базавий лагерида 16 киши бўлган. Икки экспедициянинг тоғ гидлари ва ошпазлари лагерни тайёрлаб, арқонларни маҳкамлаётган пайтда қор кўчкиси содир бўлган.
К. П. Пауделнинг айтишича, бедарак йўқолган сўнгги одамни қидириш ишлари 2 октябрда қайта давом эттирилади.