“Бутунжаҳон кўчманчилар ўйинлари, аввало, этноспорт ва анъанавий спорт турларини сақлаш, ривожлантириш ва оммалаштириш, маданий алоқаларни мустаҳкамлаш ҳамда халқлар ўртасида дўстликни ривожлантириш учун халқаро майдондир”, — дейилади агентлик хабарида.
Ўйинлар концепцияси давлатларни умумий рейтингдаги ўрин учун рақобатлаштиришга эмас, балки мамлакатларни умумий тарихий-маданий мерос атрофида бирлаштириш ва дунёда этноспорт ҳаракатини ривожлантиришга асосланган.
Шу билан бирга, спортчиларнинг натижалари ва ютуқлари ҳар бир спорт тури доирасида алоҳида қайд этилади.
Эслатиб ўтамиз, аввалроқ Қозоғистон спортчилари 74 та медаль — 32 та олтин, 20 та кумуш ва 22 та бронза медаль қўлга киритгани хабар қилинган эди.