Миллий жамғарма - болаларга: 2024 йилда қозоғистонлик болалар қарийб 700 миллион доллар олади

ASTANA. KAZINFORM - Қозоғистонлик болалар 2024 йилда Қозоғистон Республикаси Миллий жамғармасидан қарийб 700 миллион доллар олади. Бу ҳақда Миллий банк раиси Тимур Сулейменов брифингда маълум қилди, дея хабар беради Каzinform мухбири.

Миллий банк раҳбари айни дамда Ягона жамғариб бориладиган пенсия фонди томонидан болалар рўйхати мувофиқлаштирилаётганини таъкидлади.

— Бизнинг тизимимизда 7 миллионга яқин болалар мавжуд, биз бу рўйхатни текширамиз. Бундан ташқари, Ҳукумат даражасида улар январь ойининг охиригача қабул қиладиган битта кичик қонуний ҳужжат мавжуд. Шундай қилиб, бизнинг барча тизимларимиз тайёр, 7 миллионга яқин болалар ҳисоблари очилган, текширилгандан кейин биз уларни тўлиқ очамиз, — деди Тимур Сулейменов.

Шунингдек, у 2024 йилда тақсимлаш учун олинган даромад миқдори тахминан 700 миллион долларни ташкил этишини қўшимча қилди.

Илгари Қозоғистон Республикаси Ягона жамғариб бориладиган пенсия фонди “Миллий жамғарма - болаларга” лойиҳаси бўйича ўз ҳисоб рақамларига маблағ тушадиган болалар рўйхатини тузган эди.